Չորեքշաբթի 27 մարտ 2019-ին, Բ — Գ դասարանի աշակերտները այցելեցին Պուրտէլ թանգարանը, Փարիզի 15-րդ թաղամասին մէջ։ Անոնք ծանօթացան Անդուան Պուրտէլին կեանքին եւ քանդակներուն, եւ այցելեցին իր աշխատանոցը։ Նաեւ մասնակցեցան «Հերգիւլին դիմանկարը» կաղապարումի աշխատանոցին։
Աշակերտները շաբաթը 5 օր կ՚աշխատին, երկուշաբթիէն ուրբաթ։ Դպրոցը դռները կը բանայ ժամը 8։30-ին. մինչեւ դասերուն սկսիլը, ժամը 9-ին, պզտիկները կրնան հանդարտ խաղեր խաղալ, կրնան նաեւ գծել։
Բոլոր աշակերտները դպրոցին ճաշարանը կը ճաշեն. ծիլերը եւ կոկոնները 11։45-ին եւ « մեծերը » (ծաղիկէն մինչեւ հինգերորդ դասարան) 12։15-ին։
«Պզտիկներուն» դպրոցական օրը կ՚աւարտի ժամը 16։20-ին, իսկ «մեծերուն»ը՝ 16։30-ին։
Չորեքշաբթի օրը, ծիլերը ժամը 12h15-ին կ՚արձակուին, ճաշելէ ետք։
Դպրոցի տնօրինումը ստանձնած է Համազգային-Թարգմանչաց վարժարան ընկերակցութիւնը, որ շահոյթ չհետապնդող (ըստ 1901-ի օրէնքի) կազմակերպութիւն մըն է։
Աւագ երկուշաբթի 22 ապրիլ 2019
Հայոց ցեղասպանութեան ոգեկոչում չորեքշաբթի 24 ապրիլ 2019
Մեր դպրոցին յատկութիւններէն մէկը երկլեզու հաստատութիւն մը ըլլալն է: Հայերէնը եւ ֆրանսերէնը կը դասաւանդուին, իսկ անգլերէն լեզուն կ’ամբողջացնէ այդ դասաւանդումը մանկապարտէզի «ծաղիկ» բաժինէն սկսեալ: Որպէս պետական ուսումնական ծրագրին լրացուցիչ նիւթեր կը դասաւանդուին հայ լեզուն եւ մշակոյթը, որոնք կ’ամբողջանան հայոց պատմութեան եւ այլ դասերով:
Ձեր պզտիկները առաջին անգամ կամ վերստին արձանագրելու համար, հաճեցէք ներբեռնել համապատասխան ծրարները. կը խնդրենք նաեւ նկատի առնէք ներքին կանոնագիրը եւ նախատեսուած զանազան քայլերը։
Բոլոր գործնական տեղեկութիւնները