Մեր լուրերը

Մարտ 12, 2020-ի նախագահական յայտարարութեան համաձայն, քովիտ-19 համաճարակին տարածումը սահմանափակելու նպատակով, մեր դպրոցը փակ պիտի մնայ մինչեւ հակառակ հրաման ստանալու թուականը։

1 Դասաւանդութեան շարունակականութիւն

Դասաւանդութիւնը կը շարունակուի։ Ամէն օր, իւրաքանչիւր ուսուցիչ, աշխատանքներ կ՚ուղարկէ իր աշակերտներուն, որպէսզի ամրապնդեն իրենց գիտելիքները եւ նոր գիտելիքներ զարգացնեն։

2 Առցանց դասարաններ

Նախակրթարանի աշակերտները կը յաճախեն ամենօրեայ առցանց դասընթացքի։ Այս առցանց դասըթացքները առիթ կու տան մեր աշակերտներուն, կապ պահելու իրենց ուսուցիչին եւ դասընկերներուն հետ, եւ նաեւ պահպանել հաւաքական աշխատանքի վարժութիւնը։

3 Համագործակցութիւն եւ միասնականութիւն

Մեկուսացման պայմաններուն մէջ, ուսուցչական կազմը եւ ծնողները յաջողած են համագործակցիլ, աշակերտներուն կայուն կրթական պայմաններ ապահովելու համար։ Այս բացառիկ պահերուն, բոլորին մասնակցութեան շնորհիւ է որ կը գտնուի իւրաքանչիւր դժուարութեան համապատասխան լուծումը։