Իսի լէ Մուլինոյի Հայ համայնքը
Իսի լէ Մուլինօ մօտաւորապէս 1923 թուականին հաստատուած առաջին հայերը 1915-ի Ցեղասպանութենէն վերապրողներ են: Գործ կը գտնեն «Gévelot» փամփուշտի գործարանէն, «Lefranc» ներկի գործատունէն, «Grenelle» լուացքատունէն ներս... Յետաքային պիտի պարզուէր, որ Իսի Լէ Մուլինոյի տարածքը խիստ նպաստաւոր էր հայկական ամուր գաղութի մը հաստատման համար:
1975 թուականէն սկսեալ լիբանանահայեր կուգան հաստատուելու Իսի լէ Մուլինոյի մէջ: Անոնց շուտով կը միանան իրանահայեր եւ Խորհրդային Հայաստանէն արտագաղթած հայեր: 1990-ին, իբր հետեւանք գաղթականներու յաջորդական հոսանքներու ժամանումին, ծագումով հայ բնակչութիւնը 5000-է աւելի շունչ հաշուող Իսիի բնակչութեան աւելի քան 10 %-ը կը կազմէր:
Այս համայնքը վստահաբար կ’ուզէ յաջողցնելՖրանսայի մէջ իր համարկումը, սակայն կ’ուզէ նաեւ իր հայ լեզուն եւ մշակոյթը պահպանել:
Իսի Լէ Մուլինոյի մէջ դպրոց մը հիմնելը՝ անհրաժեշտութիւն
Հայ լեզուին եւ մշակոյթին աւանդումը եւ իրենց իրաւունքներուն ու պարտաւորութիւններուն գիտակից ֆրանսացի քաղաքացիներու կազմաւորումը ֆրանսահայ դպրոցի մը ստեղծումը հրամայական կը դարձնեն:
1975-ին կառուցուած Հայ առաքելական եկեղեցւոյ շուրջ խմբուած հայ համայնքին եւ կրօնական ընկերակցութիւններու ներկայացուցիչները կ’որոշեն մարմին տալ դպրոցի այս ծրագրին: Շնորհիւ մասնաւորաբար
քաղաքապետ Անտրէ Սանթինիի թանկարժէք աջակցութեան, ինչպէս նաեւ
Զատիկ Ասլանեանի եւ
Վիգէն Կարապետեանի իրագործած աշխատանքին, վարժարանը իր դռները կը բանայ 1996-ին եւ 2005-ին կը կնքէ պետական ծրագիրներու իր համապատասխանումը հաստատող առաջին համաձայնագիրը: 2017-2018 տարեշրջանին, այդ համաձայնագիրը կնքուած է տարրական դասարաններուն եւ մանկապարտէզի կոկոն դասարանին համար։
Մեր դպրոցը այսօր
Մօտ 3000 քառ. մեթր տարածութիւն գրաւող մեր երեք յարկանի դպրոցը բաղկացած է 15 մեծ դասարանէ, բազմաթիւ գործածութիւններու պատշաճեցուած մէկ սրահէ, մէկ ծաւալուն ներքին բակէ եւ մէկ արտաքին զբօսանքի բակէ:
Փոքրիկներուն յատկացուած տարածքին գետինըտարածքը ձգախէժով պատուած է՝ անոնց անկումները մեղմելու համար: Սրահները կը բաւարարեն «հասարակութիւն ընդունող երրորդ կարգի հաստատութիւններէ» պահանջուող
(établissement recevant du public – ERP – Catégorie 3) օրինական պահանջները եւ ապահովական չափանիշները: Իր ունեցած շէնքային պայմաններով եւ յարմարութիւններով՝ դպրոցը կրնայ հիւրընկալել աւելի քան 400 աշակերտ:
Այսօր դպրոցը կը բաղկանայ մանկապարտէզի եւ նախակրթարանի դասարաններէ՝ շուրջ 107 աշակերտներով, որոնք կը հետեւին որակեալ մանկավարժական խմբակի մը դասաւանդութեան՝ շաբաթական հինգ օրուան վրայ բաշխուած դասացուցակներով: Կը յուսանք մօտ ապագային ունենալ միջնակարգի (collège) կարգեր:
