fr_FR

Մեր լուրերը

Դաշտահանդէս 30 յունիսին

Մեր դպրոցը ձեզ կը հրաւիրէ իր դաշտահանդէսին՝ կիրակի 30 յունիս 2019-ին։

Աշակերտներուն ամավերջի հանդէսը պիտի սկսի ժամը 10։30-ին. վկայականներու բաշխումը տեղի պիտի ունենայ ժամը 12:00-ին։ Անկէ ետք, եկէք համտեսեցէք հայկական ճաշերը եւ վիճակահանութեան մասնակցեցէք ջերմ մթնոլորտի մը մէջ։ Բոլորդ բարի՛ եկած էք ։

Ներկայացում մեր դպրոցին մէջ

Յովհաննէս Թումանեանի ծննդեան 150 ամեակին առթիւ, Ֆրանսայի մէջ Հայաստանի դեսպանատան բարեկամներու միութիւնը հրաւիրեց Սաթէ-Արթր թատերական խումբը, որ ներկայացնէ Թումանեանի հեքիաթներէն եւ բանաստեղծութիւններէն հատուածներ։ Սեդա Խաչատրեանը եւ Եանիք Լուին 7 յունիսին երգով եւ պարով հարստացած ձեռնարկ մը հրամցուցին ներկաներուն։

Այցելութիւն Պուրտէլ թանգարանը

Չորեքշաբթի 27 մարտ 2019-ին, Բ — Գ դասարանի աշակերտները այցելեցին Պուրտէլ թանգարանը, Փարիզի 15-րդ թաղամասին մէջ։ Անոնք ծանօթացան Անդուան Պուրտէլին կեանքին եւ քանդակներուն, եւ այցելեցին իր աշխատանոցը։ Նաեւ մասնակցեցան «Հերգիւլին դիմանկարը» կաղապարումի աշխատանոցին։